സഖാവ് യേശുവിനെ പുറത്താക്കുക.........

യേശു ദേവന്‍ ഒരു എസ് ഫ് ഐകാരന്‍ ആണോ ? സഭയുടെ കച്ചവടതാല്‍ര്യത്തിനെതിരെ ആദ്യം സമരം നടത്തിയത് യേശുദേവനല്ലേ. ഞങ്ങള്‍ എസ് ഫ് ഐകാരന്‍ മാര്‍ച്ച് നടത്തുന്നതിനും മുന്‍പ് ദേവാലയങ്ങളുടെ കച്ചവടവല്‍കരണത്തിനു  എതിരെ ദേവലയങ്ങളിലെക്ക് മാര്‍ച്ച്‌ നടത്തുകയും അവിടുള്ള നികൃഷ്ടജീവികളെ തല്ലിയോടിക്കുകയും ചെയ്ത യേശുദേവന്‍ തീര്‍ച്ചയായും ഇന്നത്തെ സഭയുടെ വക്താവാകില്ല. ഇന്ന് അദേഹത്തിന്റെ പേരില്‍ നടത്തുന്ന മിക്ക സ്ഥാപനങ്ങളിലും(ദേവാലയം എന്നാല്‍ ദേവന്റെ ആലയം എങ്കില്‍ ഞാന്‍ ഇന്നുളവയെ അങ്ങനെ വിളിക്കില്ല) ആത്മീയതയുടെ മറവില്‍ കച്ചവടം അല്ലേ നടക്കുനത് . അവര്‍ യേശു ദേവനെ വീണ്ടും വീണ്ടും കുരിശില്‍ തറക്കുന്നു .‍ സ്ഥാപനം നടത്തുന്നവര്‍ ഇത് കൂടെ ഓര്‍ക്കുന്നത് നന്നാവും ദൈവപുത്രന്‍ ഒരിക്കലും സമ്പത്തിനു പുറകെ പോയ്ടില്ല. പിന്നെ എന്തിനാണു ദൈവത്തിന്റെ ഭൂമിയിലെ വക്താകള്‍ എന്ന് നടിക്കുന്നവര്‍ സമ്പത്തിനു പുറകെ പോകുന്നത്. പണ്ട് സിനിമാല എന്നാ പ്രോഗ്രാമില്‍ പറഞ്ഞ പോലെ രുപത ഇന്ന്  രൂപ താ, രൂപ താ എന്ന് മാത്രമാണ് ഇപ്പോള്‍ ഉരുവിട്ടുകൊണ്ടിരിക്കുന്നത്. 


ഉള്ളവന്‍ ഇല്ലാത്തവനു കൊടുക്കണം എന്ന ദേവ വചനംമറന്നു   കീശയില്‍ കാശ് ഉള്ളവനു കൊടുക്കപെടും എന്ന് ആകിയവര്‍ക്ക് ഒരു നൂറു നല്ല നമസ്കാരം. ഒരു അപ്പം കൊണ്ട് അയ്യായിരം പേരെ ഊട്ടിയവന്റെ പേരു പറഞ്ഞു ഒരു സീറ്റിനു അയ്യയിരങ്ങളും ലക്ഷങ്ങളും വാങ്ങുന്നു. ദയവു ചെയ്തു നിങ്ങള്‍ നിര്‍ത്തു,ചന്തയില്‍ കിലോ പത്തു എന്ന് പറഞ്ഞു വില്‍ക്കുന്ന മത്തിയുടെ സ്ഥാനം അല്ല ആത്മിയതയ്ക്കും അറിവിനും നല്‍കേണ്ടത്. അങ്ങനെ നിങ്ങള്‍ നല്‍കുന്ന അറിവിനും ആത്മിയതയ്ക്കും ഞാന്‍ ഉറപ്പ് പറയുന്നു മത്തിയുടെ പോലെ ഒരു ദുര്‍ഗന്തം ഉണ്ടാകും.

നിങ്ങള്‍ SFI കാരന്റെ മാര്‍ച്ച് കണ്ടു കച്ചവടം അവസാനിപ്പികേണ്ടതില്ല, പണ്ട് ഞങ്ങളെ പോലെ മാര്‍ച്ച് ചെയ്ത ആ ദേവനെ എങ്കിലും നിങ്ങള്‍ക്ക് ഓര്‍ത്തുകൂടെ, അതോ  ഇനി ഇപ്പോള്‍ യേശു ദേവനും പണ്ട് മതം കറുപ്പ് ആണു എന്ന് പറഞ്ഞവരുടെ കൂട്ടത്തില്‍ ആണോ? അത് കൊണ്ട് സഖാവ് യേശു പറയുന്നത് ഞങ്ങള്‍ കേള്‍ക്കില്ല എന്ന് നിങ്ങള്‍ പറയുമോ? അങ്ങനെ എങ്കില്‍ യേശു ദേവനെ നിങ്ങളുടെ സ്ഥാപനങ്ങളില്‍ നിന്ന് പുറത്താക്കു, അദ്ദേഹത്തിനു കുറച്ച ശുദ്ധ വായു കിട്ടട്ടേ!

കൊടിയെടുക്ക് പാതിരിമാരെ എന്നിട്ട് ഉച്ചത്തില്‍ വിളിച്ചു തുടങ്ങികൊള്ളു സഖാവ് യേശുവിനെ പുറത്താക്കുക.....